tg-me.com/omhusseinAlasde/13939
Last Update:
قصيده ندبه للامام المهدي عجل الله فرجه لهدم قبور البقيع
بالبقيع عدنه جرح
يمته يطلعله صبح
ننتظر يامهدي بايدك تبني الكبور
وتاخذ بثار الضلع وثار عاشور
〰〰〰〰〰
هناك عدنه بالبقيع جروح واﻵم
گبور وي الگاع صارت بيد ظلام
لا صحن لاگبه ظلت بيها واعلام
منعوا علينه الزياره گالو اوهام
تماده ويانه الگفر
يهدم گبور الطهر
من وره الأسوار نقرا نبجي و نزور
ننتظر يامهدي بايدك تبني الگبور
〰〰〰〰〰
گلب كل شيعي موالي اشتعل بالنار
يصيح يامهدي تعجل واطلب الثار
والله تماده الكفر هدموا الاطهار
اربعه گبور اﻻئمه وظلت اثار
گبر يشكي الگبر
سيدي مر الصبر
مرت اعوام وليالي عليها ناطور
ننتظر يامهدي بايدك تبني الگبور
〰〰〰〰〰〰
والله مگبره البقيع تهدم الحيل
من وره الاسوار ننظر المدمع يسيل
وحشه اگبور الائمه نهارها وليل
لا اذان البيهه نسمع وﻻ الترتيل
وبهظمنه من نجي
نسلم ونشبع بجي
عن بعد نقرا الزياره الدمع منثور
ننتظر يامهدي بايدك تبني الكبور
〰〰〰〰〰〰
من بعيد نصد نشاهد گبر مهدوم
هذا گبر الطاهره بي ونه لليوم
شال عنها الغالي ماردلها للدوم
ظلت تنوح وتون ومحمله هموم
راح غاليها ومشه
وناره ظلت بالحشه
تبني خمس گبور يمهه عليهم تدور
ننتظر يامهدي بايدك تبني الكبور
〰〰〰〰〰〰
تالي نرجع ندور بجرح إﻻحساس
وين گبر الزاجيه نسأل ام عباس
من دفنها علي واخفاه من الناس
حتى ﻻيحظر كبرها گوم اﻻرجاس
لليوم مخفي الگبر
سيدي طال الامر
يمته تظهر سيدي وياك يشع نور
ننتظر يامهدي بايدك تبني الگبور
〰〰〰〰〰
تمت بعون الله تعالى
✍خادمة الزهراء ام حسين الأسدي القصائد واﻻطوار موجوده في القناه لﻻشتراك اضغط https://www.tg-me.com/us/خادمه الزهراء ام حسين الأسدي/com.omhusseinAlasde
BY خادمه الزهراء ام حسين الأسدي
Share with your friend now:
tg-me.com/omhusseinAlasde/13939